REBAK BARU: Raban ke enggau pengawa nguji pengelandik patah nyawa ti diatur LUH begambar kenang sepengudah pekit nya tembu.
SIBU: Lebih 30 iku raban ke rinduka pengawa belagu ari serata Sarawak udah ngulu pengawa nguji pengelandik patah nyawa ti diatur ba LUH Production Sdn Bhd, No 22, Jalai Bako, apin lama tu tadi.
Nitihka dipadah pengari LUH ti mega tuai akim pekit nya, Ervina Beremas, tu keterubah iya kompeni sida ngatur pekit baka nya.
“Kitai temegah amat ati laban taja pan tu keterubah iya pekit baka tu diatur tang nerima sambut ke manah ari bala mayuh,” pia ku iya madah ngagai pengarang berita, apin lama tu tadi.
Tebal agi pekit tu digulu sida ke laki lalu bisi nya datai ari Kuching, Miri, Bintulu enggau menua bukai.
Ku Ervina, sapa ke dipilih ila deka diambi nyadi artis kompeni sida.
“Patah nyawa ke manah, penau ba dunya pemerindang nyadi ke batang pekara dipilih nyadi artis rekoding kompeni tu,” ku iya madah.
Iya madah pekit tu siti ari chara sida ngiga mensia mayuh kelebih agi bansa Iban ti bisi ngembuan pengelandik ba pengawa belagu.
“Nyerumba nya mega, pekit tu dikandal ulih ngangkatka industri musik kitai Iban ngambika tau besemekih enggau bansa bukai ba makit dagang,” pia ku iya nerangka.
- UB
Tiada ulasan:
Catat Ulasan